Nokia ចេញ​លក់នូវ​ផលិត​ផល​ថ្មី ម៉ូដែល Nokia Asha 302

កាល​ពីថ្ងៃ​ទី ០១ ខែ​ មីនា​កន្លងទៅនេះ ក្រុម​ហ៊ុន Nokia ប្រចាំ​នៅកម្ពុជា​បាន ប្រារព្ធពិធី​សម្ពោ​ធ​ទូ​រស័ព្ទ​ប៊ូតុង Qwerty   ដ៏​ស្រស់​ស្អាត ម៉ូ​ដែល​ Nokia Asha 302 ជា​ទូ​រស័ព្ទ​ដំណើរ​ការលឿន​ និងផ្តល់​ភាព​ងាយ​ស្រួលជូន​អ្នក​ប្រើ​ប្រាស់ ជា​ពិសេស​យុវវ័យ​ដែលនិយម​ ទាក់ទងមិត្តភក្តិជា​ប្រចាំរៀង​រាល់​ថ្ងៃ​តាម​រយៈ​ហ្វេសប៊ុក អ៊ីមែល កម្មវិធីជជែក Whatsapp ឬ Messenger ដទៃទៀត ។

Nokia Asha 302 បំពាក់​ទៅ ដោយ​អង្គចងចាំ(Processor) ទំហំ​រហូត​ដល់ 1 GHz ដែល​កម្ររ​នឹង​មាន​នៅ​ក្នុងទូរស័ព្ទប្រភេទ QWERTY  ទូ​ទៅនៅ​លើ​ទីផ្សារ​នា​ពេល​បច្ចុប្បន្ននេះ ។

លោក Jerry Manus អគ្គ​នាយក​នៃ​ប្រតិបត្តិការ Nokia ប្រចាំ​នៅកម្ពុជា និង ឡាវ​បាន​មាន​ប្រសាសន៍បញ្ជាក់ថា”ក្រៅ​ពី​មាន​អង្គគណនាទំហំ 1GHz,Asha 302 គឺជា​ទូរស័ព្ទ 3.5G ដែល​ងាយ​ស្រួល​ងាយ​ប្រើ​ប្រាស់ អ៊ីនធឺណេត ​។​គួប​ផ្សំ​ជាមួយនឹងបច្ចេកវិទ្យាបង្រួម ទំហំទិន្នន័យនៃ Nokia Browser  ទៀត​នោះ​ ធ្វើ​ឲ្យ​ការប្រើ​ប្រាស់ អ៊ីនធឺណេត និងការ​ទាញ​ យក​ទិន្នន័យមក​ប្រើ​ប្រាស់ ដំណើរ​​ការ​កាន់​តែ​លឿន និង​ចំ​ណាយ​កាន់​តែ​តិច”។

លោក Jerry បាន​បញ្ជាក់ថា ៖”Nokia Asha 302 អាច​ភ្ជាប់​អ៊ីន​ធឺ​ណេត ដោយ​មិ​ន​ប្រើ​ខ្សែ(ឬ​និយាយ​ម្យ៉ាងទៀត​ថា​វាមាន WiFi) ហើយ​មានកម្មវិធី Messenger ដ៏​ ពេញ​និយមមួយ​ទៀត​ភ្ជាប់​មក​ជាមួយស្រាប់​គឺ Whatsapp។ប្រសិន​បើ​អ្នក​ប្រើ​ប្រាស់ ភ្ជាប់​ទូរស័ព្ទ​ដៃ​ទៅ​នឹង​អ៊ីន​ធឺ​ណេតWiFi នោះ​ការ​ទំនាក់​ទំនង​គ្នា​តាមរយៈ Chat,ផ្ញើរូបភាព ផ្ញើវីដេអូគ្លិប,ផ្ញើ File សំឡេង​ទៅវិញ​ទៅមកជាមួយមិត្តភក្តិ​យ៉ាង​សប្បាយ ដោយ​មិន​បាច់ ចំណាយលើ​ថ្លៃទិន្នន័យ​” ។

លក្ខណៈ​ពិសេស​បន្ទាប់​បន្សំផ្សេងៗ​ទៀត​នៃ​ទូរស័ព្ទ Nokia Asha 302 រួម​​មាន​ដូច​ជា៖ ម៉ាស៊ីន​ទំហំ ៣.២ មេហ្គាភិចសែល,មានប៊ូតុង Shortcut សម្រាប់ចុចភ្ជាប់​អ៊ិនធឺណិត WiFi​ សម្រាប់ផ្ញើ​សារ ផ្ងើ​អ៊ីមែល និង​សម្រាប់លេង​ហ្វេសប៊ុក ។​វាមានបីព័ត៌គឺ ព័ត៌​ប្រផេះ​ចាស់ ពណ៌ស និង​ពណ៌​ក្រហម ហើយ​នឹង​មាន​ដាក់​លក់លើ​ទីផ្សារ​ចាប់​ពីសប្រាហ៍ ទីពីរនៃ​ខែ​ មីនានេះ​តទៅ​ក្នុង​តម្លៃ​លក់​រាយ​ប្រមាណ ១៥៥ ដុល្លារ ។