អូស្ត្រាលីមានអ្នកស្លាប់ដំបូងម្នាក់ ដោយសារមេរោគបំប្លែងថ្មី Omicron

(ស៊ីដនី)៖ អាជ្ញាធរនៅក្នុងប្រទេសអូស្ត្រាលី នៅថ្ងៃចន្ទ ទី២៧ ខែធ្នូនេះ បានរាយការណ៍ពីករណីស្លាប់ដំបូងដោយសារមេរោគ COVID-19 បំប្លែងថ្មី Omicron ប៉ុន្តែភ្លាមៗ មិនទាន់ដាក់ចេញនូវវិធានការរឹតត្បិតអ្វីនៅឡើយទេ ខណៈអត្រាចូលសម្រាកមន្ទីរពេទ្យដោយសារមេរោគថ្មីនេះ នៅតែមានកម្រិតទាបនៅឡើយ។

ករណីស្លាប់ដំបូងខាងលើនេះ គឺជាបុរសវ័យចំណាស់អាយុ ៨០ឆ្នាំម្នាក់ ដែលមានជំងឺប្រចាំកាយស្រាប់។ អាជ្ញាធរអូស្ត្រាលីមិនបានបញ្ជាក់លម្អិតអំពីករណីស្លាប់ដំបូងនេះទេ ដោយគ្រាន់តែបង្ហើបព័ត៌មានមួយចំនួនថា បុរសរូបនេះបានឆ្លងវីរុស នៅក្នុងមណ្ឌលថែទាំមនុស្សចាស់មួយកន្លែង និងបានស្លាប់នៅក្នុងមន្ទីរពេទ្យមួយ នាទីក្រុងស៊ីដនី។

បើតាមក្រុមអ្នកវិទ្យាសាស្ត្រអាហ្វ្រិកខាងត្បូង និងចក្រភពអង់គ្លេស Omicron មានសមត្ថភាពអាចចម្លងពីមនុស្សម្នាក់ ទៅមនុស្សម្នាក់បានឆាប់រហ័សជាងវីរុស Delta ប៉ុន្តែអត្រាចូលសម្រាកមន្ទីរពេទ្យ ដោយសារស្ថានភាពជំងឺធ្ងន់ធ្ងរនោះ គឺមានកម្រិតទាបជាង Delta ឆ្ងាយ៕

ប្រភព៖ Reuters

Facebook Notice for EU! You need to login to view and post FB Comments!