កម្លាំងនគរបាលខេត្តបាត់ដំបង ឃាត់ខ្លួនជនសង្ស័យម្នាក់ពាក់ព័ន្ឋ ករណីនេះគឺផ្តើមឡើងដោយសារជម្លោះទំនាស់ពាក្យសំដី

បាត់ដំបង៖ កម្លាំងនគរបាលខេត្តបាត់ដំបង ស្រាវជ្រាវឃាត់ខ្លួនជនសង្ស័យពាក់ព័ន្ធ ករណីហិង្សាដោយចេតនាមានស្ថានទម្ងន់ទោស នៅថ្ងៃទី១៤ ខែឧសភា ឆ្នាំ២០២១។

សមត្ថកិច្ចបានឲ្យដឹងថា ជនសង័្សយ ឈ្មោះ ហ៊ុប រីម ភេទប្រុស អាយុ២៧ឆ្នាំ រស់នៅភូមិសាមសិប ឃុំតាក្រីស្រុកកំរៀង ខេត្តបាត់ដំបង មុខរបរជាកសិករ។

សូមជម្រាបជូនថាកាលពីយប់ថ្ងៃទី១៣ ខែឧសភា ឆ្នាំ២០២១ ម្ចាស់គណនីឈ្មោះ សំ អឿន ផ្ទេរប្រាក់ បានបង្ហោះខ្លឹមសារនិងរូបភាពពីករណីហិង្សាដោយចេតនាមានស្ថានទម្ងន់ទោស មួយដែលកើតឡើងក្នុងមូលដ្ឋានភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង កាលពីយប់រំលងអាធ្រាត្រ ថ្ងៃទី១២ ខែ ឧសភា ឆ្នាំ២០២១ ឈានចូលថ្ងៃទី១៣ ខែឧសភា ឆ្នាំ២០២១ បណ្តាលឱ្យឈ្មោះ រួត វីរៈ ភេទប្រុស អាយុ២៩ឆ្នាំ រស់នៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង មុខបរកសិករ រងរបួសធ្ងន់ធ្ងរ ត្រូវនាំទៅសង្រ្គោះ នៅមន្ទីរពេទ្យឯស្រុកសំពៅលូន។

ក្រោយការបង្ហោះផ្សព្វផ្សាយនិងទទួលបាននូវពាក្យបណ្តឹងរបស់ជនងគ្រោះសមត្ថកិច្ចបាន ស្រាវជ្រាវភ្លាមៗរហូតឈានដល់ការឃាត់ ខ្លួនបានតែម្តង។

នៅចំពោះមុខសមត្ថកិច្ចជនសង័្សយឈ្មោះ ហ៊ុម រីម បានឆ្លើយសារភាពថាក្នុងយប់កើតហេតុរូបគាត់បានយកកែវកុបទៅលើក្បាលរបស់ជនរងគ្រោះខាងលើបណ្តាលឱ្យរងរបួសធ្ងន់ធ្ងរប្រាកដមែន ដែលករណីនេះគឺផ្តើមឡើងដោយសារជម្លោះទំនាស់ពាក្យសំដីតែប៉ុណ្ណោះ។

នៅពេលនេះជនរងគ្រោះកំពុងសម្រាកព្យាបាលជំងឺនៅឯមន្ទីរពេទ្យ រីឯជនដៃដល់សមត្ថកិច្ចបាន រៀប ចំកសាងសំណុំរឿងបញ្ជូនមកការិយាល័យជំនាញអនុវត្តតាមផ្លូវច្បាប់ ៕

 

Facebook Notice for EU! You need to login to view and post FB Comments!