ជីវិត Single ដូច មាន សូនីតា បែបនេះ ធ្វើឲ្យហ្វេនៗមួយចំនួនលែងចង់មានស្នេហា

(ភ្នំពេញ)៖ អ្នកគាំទ្រតារាសម្តែង មាន សូនីតា ពិតជាបានជ្រាប់ច្បាស់ហើយថា តារាស្រីរូបនេះ ចូលចិត្តបំផុត ធ្វើដំណើរកំសាន្តទៅក្រៅប្រទេស ប៉ុន្តែជាង២ឆ្នាំចុងក្រោយនេះ ដោយសារតែកូវីដ-១៩ នាងបានសំងំនៅក្នុងស្រុកមិនចេញទៅណាឡើយ។ ទើបតែដើមឆ្នាំ២០២២នេះ ក្រោយរដ្ឋាភិបាលប្រកាសបើកប្រទេសឡើងវិញ នាងចាប់ផ្តើមបំពេញក្តីសុខខ្លួនឯង ទៅកំសាន្តយ៉ាងរីករាយនៅក្រៅប្រទេស ប្រើជីវិតបែប Single យ៉ាងបរិបូរណ៍។

តាំងពីប្រឡូកក្នុងវិថីសិល្បៈរួចមក គេឃើញតារាសម្តែងស្រីសម្លេងស្រួយ រហ័ស្សនាម រាជ្ជនីក្រមា កញ្ញា មាន សូនីតា ហាក់មិនដែលបង្ហាញអារម្មណ៍ខ្វាយខ្វល់ រកដៃគូជីវិតឬគូស្នេហ៍នោះឡើយ ជាមួយគ្នានេះ គេសម្គាល់ឃើញរូបនាង តែងចូលចិត្តនឹងជីវិតគ្មានគូ ទៅណាមកណាតែជាមួយមិត្តភក្តិប៉ុណ្ណោះ។

លើសពីនេះទៅទៀត បើក្រឡេកទៅមើល ជីវិតលើបណ្តាញសង្គមវិញ សបញ្ជាក់ថា រូបនាងពេញចិត្តជាខ្លាំងនឹងជីវិត ឯករាជ្យ មានសេរីភាពនិង ចូលចិត្តភ្លក្សរសជាតិថ្មីៗនៃជីវិត ដូចជាការដើរលេងកម្សាន្តទៅប្រទេសនេះ ប្រទេសនោះជាដើម រហូតធ្វើឲ្យ ហ្វេនៗភាគច្រើនរបស់រូបនាង ពេញចិត្តនឹងរូបភាពនៃជីវិតបែបនេះ លែងខ្វាយខ្វល់ គិតគូរឿងគូដូច Idolដែរ។

ជាពិសេស ថ្មីៗនេះ ក្នុងដំណើរកម្សាន្តទៅអ៉ឺរ៉ុប តារាស្រី មាន សូនីតា បានផ្តិចយករូបភាពបង្កប់ភាពរីករាយ ចំហាយកក់ក្តៅ ខណៈដំណើរកម្សាន្តនោះ ទៅជាមួយមិត្តភក្តិ គ្មានគូស្នេហ៍ក៏ពិតមែន៕