កូរ៉េខាងជើង បាញ់សាកល្បងមីស៊ីល ២គ្រាប់បន្ថែមទៀត ដែលជាជុំទី៦

(សេអ៊ូល)៖ កូរ៉េខាងជើង នៅថ្ងៃព្រហស្បតិ៍ ទី២៧ ខែមករានេះ បានបាញ់សាកល្បងមីស៊ីលចំនួន ២គ្រាប់បន្ថែមទៀត ដែលនេះជាការធ្វើតេស្ដមីស៊ីល ជាលើកទី៦ នៅក្នុងខែមករានេះ។ នេះបើតាមយោធាកូរ៉េខាងត្បូង។

យោធាកូរ៉េខាងត្បូងបានឱ្យដឹងទៀត មីស៊ីលដែលកូរ៉េខាងជើងបាញ់សាកល្បង ទំនងជាមីស៊ីលបាលីស្ទីក ហើយការធ្វើតេស្ដធ្វើឡើងនៅម៉ោង ៨៖០០នាទីព្រឹកថ្ងៃព្រហស្បតិ៍នេះ (ម៉ោងនៅទីក្រុងសេអ៊ូល) ចេញពីតំបន់ Hamhung ស្ថិតនៅតំបន់ឆ្នេរសមុទ្រភាគខាងកើតរបស់កូរ៉េខាងជើង។

ចំណែកឯ យោធាជប៉ុន ក៏បានអះអាងដែរថាមីស៊ីលកូរ៉េខាងជើងខាង បានធ្លាក់នៅតំបន់ដែនទឹកសេដ្ឋកិច្ចផ្តាច់មុខ (EEZ) នៃសមុទ្រជប៉ុន។ នេះជាការ ធ្វើតេស្ដមីស៊ីលជាលើកទី៦ នៅក្នុងខែមករានេះ បន្ទាប់ពីកាលពីថ្ងៃអង្គារសប្ដាហ៍នេះទីក្រុងព្យុងយ៉ាងក៏បានធ្វើតេស្តមីស៊ីលគ្រូសចំនួន ២គ្រាប់ ផងដែរ នៅចំពោះមុខការសង្ស័យថារបបផ្ដាច់ការឯកោមួយនេះនឹងធ្វើតេស្ដអាវុធនុយក្លេអ៊ែរ ឬមីស៊ីលអន្តរទ្វីប ICBM សាជាថ្មី ចាប់តាំងពីបានខកខាន
កាលពីចុងឆ្នាំ២០១៧មក៕

ប្រភព៖​​​​​​ Reuters