កូរ៉េខាងជើង ទទួលស្គាល់ករណីឆ្លងកូវីដ-១៩ ជាលើកដំបូងបំផុត

(ព្យុងយ៉ាង)៖ ប្រព័ន្ធផ្សព្វផ្សាយរដ្ឋកូរ៉េខាងជើង KCNA នៅថ្ងៃព្រហស្បតិ៍ ទី១២ ខែឧសភា ឆ្នាំ២០២២នេះ បានទទួលស្គាល់ពីការរកឃើញជាលើកដំបូង នូវករណីឆ្លង COVID-19 នៅក្នុងប្រទេស។

បើតាម KCNA ករណីឆ្លងខាងលើ គឺមេរោគបំប្លែងថ្មីអូមីក្រុង តែភ្លាមៗមិនទាន់មានព័ត៌មានលម្អិតពីប្រភពឆ្លង ឬក៏ការបញ្ជាក់ថាករណីឆ្លងមានចំនួនប៉ុន្មាន នោះទេ ខណៈមេដឹកនាំកូរ៉េខាងជើង លោក គីម ជុងអ៊ុន ប្ដេជ្ញាថានឹងយកឈ្នះលើ COVID-19។ នេះគឺជាលើកដំបូងបំផុតដែលកូរ៉េខាងជើងទទួលស្គាល់ពី ករណីឆ្លង COVID-19 ចាប់តាំងជំងឺឆ្លងរាតត្បាតមួយនេះផ្ទុះឡើងមក៕

ប្រភព៖​​​​​​  AFP