សហរដ្ឋអាមេរិក

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន នៅថ្ងៃសុក្រសប្ដាហ៍នេះបានចុះហត្ថលេខាលើកញ្ចប់ជំនួយអាវុធថ្មីមួយមានទំហំទឹកប្រាក់ ៤០០លានដុល្លារបន្ថែម សម្រាប់អ៊ុយក្រែន ក្នុងនោះរួមមានទាំងប្រព័ន្ធមីស៊ីលស៊េរីទំនើប HIMARS ចំនួន ៤គ្រឿង និងគ្រាប់រំសេវមួយចំនួនធំ ផងដែរ។ ថ្លែងប្រាប់អ្នកសារព័ត៌មានក្នុងលក្ខខណ្ឌមិនបញ្ចេញឈ្មោះ មន្ត្រីជាន់ខ្ពស់អាមេរិកម្នាក់ បានបញ្ជាក់ថាប្រព័ន្ធមីស៊ីល HIMARS ទាំង៤គ្រឿងបន្ថែមខាងលើ នឹងធ្វើឱ្យចំនួនប្រព័ន្ធមីស៊ីលស៊េរីទំនើបនេះ ដែលសហរដ្ឋអាមេរិកបញ្ជូនឱ្យអ៊ុយក្រែន កើនដល់ ១២គ្រឿង។ «អ៊ុយក្រែនបច្ចុប្បន្ន កំពុងទទួលបានជោគជ័យ នៅក្នុងការវាយប្រហារលើទីតាំងរបស់រុស្ស៉ីជាច្រើននៅក្នុងទឹកដីអ៊ុយក្រែន ពង្រឹងសមត្ថភាពប្រយុទ្ធនៅសមរភូមិមុខ និងបង្កការរាំងស្ទះដល់សមត្ថភាពរបស់ រុស្ស៉ី ក្នុងការវាយប្រហារដោយកាំភ្លើងធំ»។…

(វ៉ាស៉ីនតោន)៖ សហរដ្ឋអាមេរិក បានអះអាងថា ខ្លួននឹងឈរយ៉ាងរឹងមាំនៅពីក្រោយការសម្រេចចិត្តរបស់លីទុយអានី និងអង្គការណាតូ (NATO) ដើម្បីការពារខ្លួន ជាមួយការរំឮករុស្ស៉ីថាការវាយប្រហារណាមួយលើលីទុយអានី គឺជាការវាយប្រហារលើណាតូទាំងមូល។ ប្រទេសលីទុយអានី បានដាក់កម្រិតលើការដឹកជញ្ជូនទំនិញតាមរថភ្លើង ជាផ្នែកនៃការដាក់ទណ្ឌកម្មរបស់សហភាពអឺរ៉ុប ទៅនិងមកតំបន់ កាលីនីងក្រាដ (Kaliningrad) របស់រុស្ស៉ី ស្ថិតចន្លោះលីទុយអានី និងប៉ូឡូញ។ រុស្ស៉ីបានព្រមានឆ្លើយតបជាក់ស្តែងវិញដោយហៅ សកម្មភាពនេះថាជាជំហរអមិត្ត។ យ៉ាងណាក៏ដោយ អ្នកនាំពាក្យក្រសួងការបរទេសអាមេរិក លោក នេត ប្រាយស៍ (Ned Price) បានប្រាប់អ្នកសារព័ត៌មានយ៉ាងដូច្នេះថា «យើងប្តេជ្ញាចិត្តលើគោលជំហររួមគ្នាជាមួយសម្ព័ន្ធមិត្តរបស់យើង គឺ…

(មូស្គូ)៖ រុស្ស៉ី បាននិយាយ នៅថ្ងៃពុធសប្តាហ៍នេះថា លោកខាងលិច «ប្រៀបដូចជាបានយកកាំភ្លើងបាញ់ចំក្បាលខ្លួនឯង» តាមរយៈការរឹតត្បិតលើ ការនាំចូលថាមពលប្រេង និងឧស្ម័នពីតំបន់ស៉ីបេរី ដោយសារតែបញ្ហាជម្លោះនៅអ៊ុយក្រែន ផ្ទុយស្រឡះពីចិនដែលត្រូវបានគេរាយការណ៍ថាបាន បង្កើនការទិញថាមពលពីរុស្ស៉ី។ ថ្លែងប្រាប់អ្នកសារព័ត៌មាន អ្នកនាំពាក្យក្រសួងការបរទេសរុស្ស៉ី លោកស្រី ម៉ារីយ៉ា ហ្សាខារ៉ូវ៉ា (Maria Zakharova) បានលើកឡើងថាភាពជាដៃគូ យុទ្ធសាស្រ្តរបស់រុស្ស៉ីជាមួយចិន បានទប់ទល់នឹងការប៉ុនប៉ងរបស់លោកខាងលិច ដើម្បីសាបព្រោះភាពមិនចុះសម្រុង ស្របពេលដែល សហរដ្ឋអាមេរិក និងសម្ព័ន្ធមិត្តអឺរ៉ុប របស់ខ្លួនផ្សេងទៀត បានបំផ្លាញទំនាក់ទំនងជាមួយទីក្រុងមូស្គូ។ លោកស្រី ហ្សាខារ៉ូវ៉ា…

(តៃប៉ិ)៖ ក្រសួងការបរទេសអាមេរិក បានធ្វើបច្ចុប្បន្នភាព «ពាក្យពេចន៍» ស្ដីពីកោះតៃវ៉ាន់ ដោយអះអាងថាទីក្រុងវ៉ាស៊ីនតោន នឹងមិនគាំទ្រឱ្យតៃវ៉ាន់ ប្រកាសឯករាជ្យជាផ្លូវការពីចិន នោះទេ។ ការធ្វើបច្ចុប្បន្នភាពខាងលើ ធ្វើឡើងបន្ទាប់ពីក្រសួងការបរទេសអាមេរិក កាលពីខែឧសភាកន្លងទៅ បានកែប្រែពាក្យពេចន៍ព័ត៌មានស្ដីពីតៃវ៉ាន់ នៅលើ គេហទំព័ររបស់ខ្លួន ដោយបានលុបចោទពាក្យពេចន៍ទាំង២ នោះគឺមិនគាំទ្រឯករាជ្យភាពរបស់តៃវ៉ាន់ និងការទទួលស្គាល់ជំហររបស់ទីក្រុងប៉េកាំងដែល ថាតៃវ៉ាន់ជាផ្នែកមួយរបស់ចិន ដែលនេះបានធ្វើឱ្យចិនខឹងសម្បារជាខ្លាំង។ ទីក្រុងវ៉ាស៊ីនតោន បានបញ្ជាក់ការធ្វើបច្ចុប្បន្នភាពពាក្យពេចន៍នេះ មិនមែនឆ្លុះបញ្ចំងពីការផ្លាស់ប្ដូរគោលនយោបាយណាមួយទេ ដោយគ្រាន់តែវាការ កែប្រែពាក្យពេចន៍ គឺសហរដ្ឋអាមេរិក មិនគាំទ្រឯករាជ្យភាពរបស់តៃវ៉ាន់ឡើយ។ ការធ្វើបច្ចុប្បន្នភាពពាក្យពេចន៍របស់ក្រសួងការបរទេសអាមេរិក ត្រូវបានរាយការណ៍ដំបូងគេដោយទីភ្នាក់ងារសារព័ត៌មានតៃវ៉ាន់ Central…

(មូស្គូ)៖ រដ្ឋមន្រ្តីការបរទេសរុស្ស៉ី លោក សឺហ្គៃ ឡារ៉ូវ (Sergey Lavrov) បានធ្វើការព្រមានដល់ប្រទេសលោកខាងលិចប្រឆាំងនឹងការផ្គត់ផ្គង់អ៊ុយក្រែន នូវអាវុធ ដែលមានសមត្ថភាពវាយប្រហារចូលក្នុងទឹកដីរុស្ស៊ី ដោយលើកឡើងថា ទង្វើបែបនេះនឹងក្លាយជាការបោះជំហានទៅរកការបង្កជម្លោះកាន់តែធ្ងន់ធ្ងរ មិនអាចទទួលយកបាន។ ការកត់សម្គាល់របស់លោក ឡារ៉ូវ ត្រូវបានរាយការណ៍កាលពីថ្ងៃព្រហស្បតិ៍សប្តាហ៍នេះ ដោយសារព័ត៌មានរុស្ស៉ី Tass ស្របពេលដែលមានរបាយការណ៍ថា សហរដ្ឋអាមេរិក និងសម្ព័ន្ធមិត្តលោកខាងលិចផ្សេងទៀតរបស់ទីក្រុងកៀវ គ្រោងនឹងផ្តល់អាវុធទំនើបៗដល់អ៊ុយក្រែន ចំពោះមុខការបង្កើនការវាយប្រហារ របស់ទីក្រុងមូស្គូ នៅក្នុងតំបន់ដុនបាស់ (Donbas) ភាគខាងកើតអ៊ុយក្រែន។ លោក ឡារ៉ូវ បានលើកឡើងតាមរយៈការស្រង់សម្ដីដោយសារព័ត៌មានរុស្ស៉ី…

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន បាននិយាយថាស៊ុយអែត និងហ្វាំងឡង់ទទួលបានការគាំទ្រយ៉ាងពេញទំហឹងពីសហរដ្ឋអាមេរិក ចំពោះការសម្រេចចិត្តជាប្រវត្តិសាស្ត្រដាក់ពាក្យសុំចូលជាសមាជិកណាតូ (NATO) របស់ប្រទេសទាំង២ ដែលធ្លាប់តែជាប្រទេសអព្យក្រឹត អស់រយៈពេល រាប់ទសវត្សរ៍មកនេះ។ ស៊ុយអែត និងហ្វាំងឡង់បានដាក់ពាក្យសុំចូលណាតូជាផ្លូវការ កាលពីថ្ងៃពុធសប្ដាហ៍នេះ ហើយការសម្រេចចិត្តបែបនេះត្រូវបានគេមើលឃើញថាជំរុញដោយ សង្រ្គាមរបស់រុស្ស៉ីនៅអ៊ុយក្រែន។ ប៉ុន្តែ សមាជិកភាពរបស់ប្រទេសទាំង២ កំពុងជួបឧបសគ្គរាំងស្ទះដោយសារតែការជំទាស់ពីតួកគីដែលជាសមាជិកណាតូ ដ្បិត ដើម្បីចូលបក្សសម្ព័ន្ធយោធាមួយទាំងស៊ុយអែត និងហ្វាំងឡង់ ចាំបាច់ទទួលបានសំឡេងគំាទ្រកង់សុងស៊ីសពីប្រទេសជាសមាជិកណាតូទាំង៣០ ប្រទេស។ តែទោះជាបែបនេះក្ដី ថ្លែងនៅក្នុងសនិ្នសីទសារព័ត៌មានរួមគ្នាជាមួយនាយករដ្ឋមន្ត្រីស៊ុយអែត លោកស្រី ម៉ាកដាលេណា…

(ស្ដុកខុល)៖ នាយករដ្ឋមន្ត្រីស៊ុយអែត លោកស្រី ម៉ាកដាឡេណា អាន់ឌឺសសុន (Magdalena Andersson) បាននិយាយនៅថ្ងៃអង្គារសប្ដាហ៍នេះថា ប្រទេសស៊ុយអែត និងហ្វាំងឡង់ នឹងដាក់ពាក្យសុំចូលជាសមាជិកបក្សសម្ព័ន្ធយោធា NATO ព្រមគ្នា នៅថ្ងៃពុធសប្ដាហ៍នេះ។ លោកស្រី Magdalena Andersson ធ្វើការកត់សម្គាល់ខាងលើនាឱកាសធ្វើសន្និសីទសារព័ត៌មានរួមគ្នាជាមួយប្រធានាធិបតីហ្វាំងឡង់ លោក សៅលី នីនីស្ដូ (Sauli Niinisto) ដែលបំពេញទស្សនកិច្ចនៅស៊ុយអែត។ លោកស្រី Andersson បានគូសបញ្ជាក់ដូច្នេះថា «សមាជិកភាព NATO នឹងជួយពង្រឹងសន្តិសុខនៅក្នុង…